代蓮曦丹美性感亮相澳門電影節　披自家品牌戰衣做生招牌

參選2016年港姐入行，現轉為發展個人潮牌嘅代蓮曦丹美（Daisy），日前去到澳門氹仔，出席第十一屆「澳門國際電影節」活動，身為時尚達人嘅佢著上珠片低胸晚裝現身，既性感又高貴，走在紅地毯上非常亮眼。

今次 Daisy 以嘉賓身份獲邀出席，佢話自己首次喺澳門參加電影節，大開眼界：「我當睇 show 咁，都真係好熱鬧好多人，所以特登着自己品牌嘅晚裝嚟做吓生招牌。其實除咗 fashion 之外，我係一個演員嚟架，我好熱愛演戲，亦有留意唔同嘅影展，但我入行資歷仲淺，希望下次可以有機會睇到香港電影金像獎。」Daisy喺澳門期間剛好做冬，當晚同朋友食餐美味嘅地道葡國餐做節。