代蓮曦丹美性感亮相澳門電影節 披自家品牌戰衣做生招牌

撰文:
最後更新日期:

Daisy離開TVB後,全力發展個人品牌。(IG:@daisy____dai)

參選2016年港姐入行,現轉為發展個人潮牌嘅代蓮曦丹美(Daisy),日前去到澳門氹仔,出席第十一屆「澳門國際電影節」活動,身為時尚達人嘅佢著上珠片低胸晚裝現身,既性感又高貴,走在紅地毯上非常亮眼。

受邀到澳門出席電影節

今次 Daisy 以嘉賓身份獲邀出席,佢話自己首次喺澳門參加電影節,大開眼界:「我當睇 show 咁,都真係好熱鬧好多人,所以特登着自己品牌嘅晚裝嚟做吓生招牌。其實除咗 fashion 之外,我係一個演員嚟架,我好熱愛演戲,亦有留意唔同嘅影展,但我入行資歷仲淺,希望下次可以有機會睇到香港電影金像獎。」Daisy喺澳門期間剛好做冬,當晚同朋友食餐美味嘅地道葡國餐做節。

稍後 Daisy 將接拍網劇,明年二月則飛往法國出席巴黎時裝周。(IG:@daisy____dai)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。