【開工大吉77】苑瓊丹講鬼故受歡迎　無意挑戰梁思浩做鬼王

苑瓊丹日前拍攝香港開電視節目《開工大吉77》，期間大爆娛樂圈「鬼故」！苑仔笑指沒意欲搶老友梁思浩「鬼王」地位，純粹觀眾反應熱列先繼續講娛圈鬼故：「其實我都話咗唔再講啦，因為太多觀眾Email來話好好聽，所以幕後同事先逼我再講。我記得有一次喺廢棄工廠講鬼故嚇個女演員，點知我講到發燒，最終搞到自己成日感覺到靈異朋友，所以都嚇怕咗自己。」

苑仔就話自己不時中港兩地開工，每次入住酒店都會憂心忡忡：「如果房卡插唔穩即時會著唔到燈，不過我試過坐坐吓突然會跳晒電，我咪唯有死死氣話唔好意思啊，所以周不時經驗到，依家信邪啦，所以學識講少兩句，可以唔講咪唔講囉！」