馮盈盈分手導火線係浴室激吻? 張頴康:盈盈一直唔想拍呢場戲

撰文:
最後更新日期:

張頴康知道馮盈盈分手消息,感到愕然又可惜。(陳志嵐攝)

馮盈盈今晨在IG出Post與拍拖4年醫生男友宣告分手。外間盛傳分手導火線是拍攝劇集《解決師》時,與張頴康在浴室濕身激吻演出有關,當時馮盈盈直指男友睇到心靈受創。今日張頴康出席無綫劇集《逆天奇案》拜神儀式,就此事接受《香港01》訪問時說:「其實都係傳言,我唔知道佢哋兩個當中分手原因係乜,坦白講呢場戲我老婆佢睇到都好唔開心,呢啲戲係會令到雙方令一伴會感到痛苦,其實阿盈盈一直以來,由收到呢個劇本嘅時候,已經唔想拍呢場戲,大家都有諗方法盡量減低一啲親密鏡頭,盡量可以掂都唔掂,最尾冇得避嘅時候都要去做,只能夠講我哋做演員都好被動。」

張穎康表示28號晚搞聖誕派對,馮盈盈當晚亦有到場,但察覺不到她受感情困擾。(陳志嵐攝)

阿康續說:「其實早兩日28號晚,我搞聖誕派對盈盈都有嚟我屋企,當晚唔見佢有帶男友到,我都有問佢男友點解唔嚟嘅,盈盈就輕輕帶過話男友唔得閒嚟,玩到令晨12點,佢就話要走,當時我心諗可能佢要交人陪男友,所以都一直都唔知佢發生緊咩事,希望佢哋兩個好快冇事,能夠可以復合番啦!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。