亞視重播2007年煙花匯演 再出舊招都唔及「佢」咁令人懷念

撰文:
最後更新日期:

雖然旅遊發展局取消了今晚(31/12)的除夕倒數煙花匯演,但市民仲有機會睇到大型煙花騷!原來是亞視(ATV)今日下午在Facebook專頁預告夜晚11點多會直播2007年(豬年)的年初二煙花匯演:「除夕無(冇)煙花睇唔緊要!小編轉(專)登搵番(返)豬年(上個)嘅新年煙花匯演畀大家睇。今晚11點幾就可以開住睇倒數!其實小編都係想搏大家一笑,希望大家來年繼續身體健康,事事順利!2020亞視繼續陪住您#除夕 #煙花 #新年 #煙花匯演 #ATV」,更提早上載了整場騷到Facebook,讓網友「先睹為快」。

點擊觀看12年前的精彩畫面:

+9
+8
+7

不少網友表現興奮,其中更有人留言說:「我想睇魚樂無窮重播,事關我十年前睇中左(咗)條魚,想見返佢」、「真心正喎!年年有煙花,今年靠亞視」,非常搞笑。其實亞視熄機前的2013年,已經試過重播煙花匯演,今次再次出招確實令人好懷念,不過片段中最令人懷念是與劉錫賢一齊主持節目的謝雪心女兒珈穎,事關珈穎十年前左右已經淡出娛圈。

謝雪心女兒珈穎早在十年前淡出娛圈,今次「再度亮相」,實在令人懷念。(Facebook/@ATV 亞視數碼媒體)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。