蕭正楠黃翠如二人世界外遊 一件外套放閃成絕世好老公

撰文:
最後更新日期:

翠如分享2019年最多人LIKE嘅9張IG圖,大多同蕭正楠有關(IG:@wongtsuiyu)

黃翠如同蕭正楠呢一對,自公開戀情到結婚,佢地搞笑又甜蜜嘅互動受到外界追捧。最近蕭氏夫婦齊齊出遊,連日來上載唔少靚相,大家發現兩公婆著埋同一件外套,背後原因仲好SWEET添。

最近兩公婆外遊,重點喺件黑白外套(IG:@edwinsiu)

自C君婚禮後,黃翠如同蕭正楠就出發二人世界旅行,連日來翠如分享唔少靚相,拍開旅遊節目嘅佢行裝輕便,主要係一件白色同一件黑白格外套,但竟然見到蕭正楠搞笑地著住老婆嘅外套。翠如話:我就只帶來兩件外套,然後他把我其中一件外套穿上,還很自在擺pose要我為他拍照,我可以怎樣?」

蕭正楠拎左老婆件外套嚟著(IG:@wongtsuiyu)

蕭正楠隨即SWEET爆留言話:「我只係怕你凍嘅時候,可以有多件外套可以着唧。」大家除咗讚嘆蕭正楠居然著得落老婆件衫之外,仲不經意被放閃閃到盲,大讚蕭公子係絕世好老公呀﹗新一年翠如表示:「2019,我們的第二年。關於婚姻,我們還是初學生,繼續學習。」

蕭公子嘅留言閃到盲啦(IG:@wongtsuiyu)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。