【一切從失婚開始】趙頌茹憶遭周永恆家暴：睇到訊息都驚都手震！
撰文：洪曉璇
出版：更新：
阿Yu跟節目組參與日本離婚儀式。（影片截圖）
趙頌茹（阿Yu）當年同周永恆因家暴離婚後，獨自湊大兩個囡囡，堅強地繼續生活落去。阿Yu最近參加ViuTV節目《一切從失婚開始》，去到日本參與當地嘅離婚儀式，亦喺鏡頭前剖白當年心情：「以前生活似喺地獄，每日起身都唔開心。」
阿Yu喺節目中憶述當年嘅婚姻生活。（影片截圖）
當年阿Yu遭受家暴轟動娛樂圈，引起傳媒連日來追訪，佢喺節目中親身參與日本嘅離婚儀式，亦提到當年被恐懼感籠罩：「見到呢個人、睇到呢個人嘅訊息都驚、都手震。以前生活似喺地獄，每日起身都唔開心，每日擔心老公離開、點對你同佢唔返屋企時要點算。」
而家阿Yu同兩個囡囡相依為命生活愉快。（IG：@yuchiu24x7）
阿Yu坦言自己曾被傳統思想束縛，不但認為應該要維持一個家庭完整性，並且覺得父母雙親都喺子女嘅身邊方為圓滿，所以再唔開心都啞忍：「佢點對你？夜晚唔返嚟咁點呀？其實邊個想唔開心？離開係要面對真實，但係我換返我同兩個女嘅心靈健康。」
離婚後阿Yu活得更開心。（IG：@yuchiu24x7）