【丫鬟大聯盟】劉思希色誘謝東閔嚇親自己:啲眼神太鹹濕

撰文:
最後更新日期:

劉思希(Lisa)今日(8/1)現身將軍澳電視城出席無綫(TVB)劇集《丫鬟大聯盟》宣傳活動,劇中飾演霍家大小姐霍燕貞的Lisa頻頻出招色誘謝東閔,掀起網民熱烈討論,Lisa說:「(角色)太鹹濕實在係,希望各位觀眾可以接受。不過我都諗緊,古代冇得上網,資訊又唔發達,可能真係有啲千金小姐係咁。其實我睇返都有少少俾自己嚇親,因為拍嗰時係凌晨3、4點,我都冇諗太多嘢就去到好盡,噚晚睇返就覺得啲眼神太鹹濕。大家都趕住收廠,重頭戲就擺最尾拍,一定要盡快搞掂佢,冇咩包袱去到凌晨時分。」

劉思希今日現身劇集宣傳活動。(陳順禎攝)

劉思希在劇中非常主動,但現實中的Lisa卻正正相反:「我唔係好主動,遇到心上人就會send message問下佢how are you,我就expect如果人哋對我有意思,就會約我食飯,直接問我去邊度睇戲。我係倒返轉,好多friend都叫我改變一下,學返你個角色,咁就會開齋。」

劉思希話現實中的自己同角色剛剛相反。(陳順禎攝)

同劇的謝東閔因病缺席,劉思希希望對方早日康復:「香港流感好嚴重,佢都食好多維他命C,快啲好返,希望佢拎到最佳男配角獎。」最近武漢爆發不明肺炎個案,陸續有市民從武漢返港後疑染上不明肺炎,令香港市民紛紛戴上口罩保障健康,Lisa說:「因為我成日都要化妝,我好少戴口罩,因為驚抹到啲妝,但會注重健康,洗手同埋會帶消毒劑,希望唔好感染細菌。做Artist長期都會有個口罩喺手袋,以防做咗咩衰嘢,約咗啲心上人,食飯呀,要保護另一半又或者朋友,就會戴一戴,等啲人唔好認到我哋。」香港出現口罩搶購潮,Lisa不太擔心:「屋企都有自備,平時手術室嘅口罩,手袋長期有一個。」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。