馬國明奪視帝「筍盤度」激增 舊拍檔葉璇呻走寶：細個唔識珍惜！
撰文：吳子生
出版：更新：
葉璇今日現身港台接受《安哥同學會》錄音訪問。（陳順禎攝）
葉璇今日（14/1）現身港台出席《安哥同學會》錄音訪問。提到好友馬國明苦等13年終在《萬千星輝頒獎典禮2019》勇奪視帝寶座，葉璇直言為他感到高興：「佢第一部劇就係同我拍《再生緣》，昨晚同德哥（潘嘉德）食飯時都有佢通電話恭喜佢，其實馬明畀我嘅感覺係一個沉穩又有知識嘅男仔，男演員中佢學歷都好高，咁所以嗰陣時大家都好傾得埋，見到佢咁多年都發展得咁好，我都覺得好開心。」
葉璇大讚馬明成熟穩重有男人味。（陳順禎攝）
現時單身的葉璇，被問到會否考慮同馬明發展戀情？葉璇笑言：「哈哈，我諗佢不乏追求者，講到我都流晒口水，其實佢條件真係好好，自怨自己細過嘅時候唔識珍惜，哈哈！講笑，我哋嗰陣時冇來往過，只係合作過，雖然大家都耐冇見，但佢畀我嘅印象真係好好嘅。」
葉璇透露馬明首部與她合拍劇集是《再生緣》。（陳順禎攝）