57歲馬景濤靠婚禮騷搵食? 一曲穩袋33萬歌酬竟然係友情價

撰文:
最後更新日期:

馬景濤以30萬友情價喺婚禮上大開金口。

於90年代憑《倚天屠龍記》、《再見艷陽天》而成為「師奶殺手」嘅馬景濤,近年雖然極少參與幕前演出,但仍不時有喺微博分享近況。日前,馬景濤應邀到湖北天門做婚禮表演嘉賓,更被網民拍下仍喺台上唱《倚天屠龍記》主題曲《刀劍如夢》嘅片段,有指馬景濤雖然只係唱得一首歌,但已穩袋30萬人仔。

一代男神現身,台下賓客係咁影相。

片段中,57歲嘅馬景濤看起來有點蒼老,但身形似乎保養得唔錯,唱歌時仲抱起獻花嘅小朋友帶動現場氣氛。被婚禮主持人稱為馬老師嘅佢,喺祝福一對新人時,提到楊姓新郎係自己好朋友。唔少網友睇完片段之後,都驚訝地表示原來30萬出場費已經係友情價,但亦有網友感慨表示昔日嘅男神,竟然要唱婚禮騷賺錢。

全盛時期嘅馬景濤。

台灣出身嘅馬景濤,早年成了瓊瑤作品嘅御用男主角,《倚天屠龍記》94年喺香港播出時,收視同世界盃足球賽事一樣咁高,令馬景濤成了「師奶殺手」。95年他接下亞視的《再見艷陽天》,劇中他本身戰死沙場,但最後因觀眾紛紛去信亞視,而令佢所飾演嘅「方賀生」一角翻生,與女主角陳秀雯重逢,情況極為罕見。

57歲嘅馬景濤…有少少蒼老。

早已移居內地嘅馬景濤,不時都會喺微博分享生活點滴。

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。