【一切從失婚開始】趙頌茹哭訴單親媽媽壓力大：係我生命中一個坑

趙頌茹（阿Yu）於ViuTV節目《一切從失婚開始》與兩位素人齊齊去到日本，探討當地嘅婚姻文化。喺昨晚一集，阿Yu兩位素人齊齊飲酒唱K，氣氛輕鬆，但當唱到方皓玟嘅《你是你本身的傳奇》時，阿Yu突然感觸落淚，當聽到素人團友讚佢係係一位負責感、堅強嘅好媽媽時，阿Yu在旁一直拭淚，她其後表示感謝自己曾經離婚。「如果無呢啲經歷，你唔會識得建立一個更了解自己，擁抱你的過去、接納曾經唔好嘅自己。我會覺得原來呢件事都唔係咁唔好，只不過可能係我生命中一個坑，過去就係咁。」阿Yu表示如今嘅佢已經完完全全咁長大。

她表示之所以喜歡《你是你本身的傳奇》一曲，是因為歌曲中寫出任何年紀嘅人都可以搵返自己，能夠做自己喜歡的事，並不會被年齡所規範。葉蘊儀睇完阿Yu嘅片段後，表示自己亦曾經歷阿Yu所經歷的，所以非常明白單親媽媽照顧兩個小朋友的辛苦。