ERROR無懼與「勁歌總選」正面交鋒 保錡:佢都係頒畀自己人!

撰文:葉詩
出版:更新:

ViuTV於周六(18日)舉行《電競巨Sing Show》,MIRROR、ERROR、陳潔靈、許廷鏗、AGA江海迦、Gin Lee李幸倪等一眾歌手為慈善傾力演出,ERROR主動提到無綫是日舉行《2019年度勁歌金曲頒獎典禮》,保錡(吳保錡)毫不留情說:「佢都係頒畀自己人,有乜所謂?(正面對碰怕有比較?)有冇所謂!我做KOL係網絡上嘅人睇嘛!」阿Dee(何啟華)續言:「我覺得冇話鬥唔鬥嘅,喜好問題姐;鬥的話全世界都鬥緊啦,最緊要做好自己,我有信心呢個節目係搞笑嘅!」

ERROR出席《電競巨Sing Show》。(陳順禎攝)

作為歌手的ERROR,193(郭嘉駿)說:「我覺得我哋應該有資格參加隔籬台嘅頒獎典禮!」保錡提出:「佢都冇播我哋嘅歌!」肥仔(梁業)説:「人哋咁小器就算啦!」193續言:「如果將來有機會,任何頒獎禮可以畀任何人參加,我哋又會有機會去角逐下。」ERROR成員又不忘稱讚公司ViuTV:「好嘅地方係好大愛,即使藝人喺其他台拍節目,亦都可以喺ViuTV拍。」阿Dee以本日節目為例:「以前細個睇電視就係呢種感覺,好多唔同嘅Artist喺電視做表演。」193贊同道:「你睇外國、韓國、大陸任何藝人都可以去唔同電視台,咁對藝人同觀眾都好;但我諗都好難,我哋有生之年都睇唔到呢日。」