【武漢肺炎】馬國明爆新加坡冇乜口罩:好彩我自己帶咗嚟

撰文:陳芷穎
出版:更新:

「武漢肺炎」疫情擴散全球,各國政府都嚴陣以待今次的疫情,港人外出時亦戴上口罩防止感染。新鮮出爐的視帝馬國明昨日(28/1)現身機場出發到新加坡出席商演,並透露會跟鄭伊健同台演出。

新鮮出爐的視帝馬國明出發到新加坡出席商演。(資料圖片)

被問到新加坡的防疫情況,馬國明回覆《香港01》:「新加坡呢邊幾平靜,出街都唔係好多人戴口罩,得部份人戴。可能天氣比較熱,而家都30幾度,所以流感唔係好流行。當然我自己會小心,支咪都會用消毒紙巾消毒咗先。同觀眾握完手都會用酒精搓手液消毒返隻手。新加坡相對平靜,但口罩都冇乜,我唔知係咪畀人搶購晒,定口罩供應唔多。我聽聞消毒產品都好難搜羅到,不過好彩我自己帶咗嚟,大家都有意識,但未去到好緊張。希望大家身體健康,新肺炎盡快遠離我哋。」

馬國明透露新加坡相對平靜,街上都不是很多人戴口罩。(資料圖片)

至於居住在太古城的媽媽有沒有特別的防疫措施,馬國明說:「媽咪都係正常(方法),又唔使太緊張,大家都唔好搞到太緊張,勤力啲洗手,外出戴口罩,又唔使太恐慌。太古城嗰邊都正常,大家都正常行街,部份人戴口罩,大家正常生活,唔使太恐慌,做好自己就得。」

馬國明叫大家唔使太緊張,勤力啲洗手,外出戴口罩,做好自己就得。點撃下圖睇多啲相:

+4
你可能感興趣