【武漢肺炎】于淼得番10口罩又排唔到隊買：唯有減少出街
撰文：吳子生
出版：更新：
于淼透露手上只有十個口罩，坦言擔心買不到口罩。（梁碧玲攝）
于淼（Maggie）今日（30/1）出席在將軍澳電視城舉行的無綫劇集《大醬園》宣傳造勢活動。Maggie表示：「呢套係我第一次演嘅民初劇，咁所以好期待自己著旗袍嘅時候造型會係點，而且又係第一次同袁文傑江嘉敏合作，感覺好大嘅新鮮感，大家合作起嚟都好有火花。」
Maggie提醒各位要注意個人衛生，大家一起抗疫。（梁碧玲攝）
武漢肺炎疫症肆虐全球，香港不斷確診新病例，以致人心惶惶，引發全民瘋狂搶購口罩，導致市面供不應求。Maggie惶恐表示：「手上只剩餘十個口罩，之前睇到有關消息話銅鑼灣嗰邊某間化妝品店，12點會開售，咁我就12點15分到咗諗住排隊買口罩，但職員就話唔畀再排隊，我見到條人龍都好長，起碼都有百幾二百人排緊隊，如果真係再買唔到，惟有減少出街。」
一罩難求這個非常時期，Maggie慨嘆有錢都買唔到，覺得好無助。（梁碧玲攝）