【姊妹淘】吳若希自爆曾入男友屋企瘋狂打爛嘢:搵開鎖佬爆佢個鎖

撰文:董欣琪
出版:更新:

吳若希(Jinny)有份主持的TVB節目《姊妹淘》每集都會請來不同的嘉賓分享心得,今季加入了新環節「姊妹嘈」,主要講姊妹之間的感情以及與異性相處的問題。在日前播出的一集中,Jinny就自爆曾「爆門」進入當時男友(即現任老公)家中,更瘋狂地砸爛屋內的物品!

Jinny在2016年公開戀情,但戀情維持不到半年,她在同年9月宣布分手,不過一個月後隨即復合。同年11月,她宣布懷孕三個月,並於2017年4月誕下囡囡Giselle。同年10月10日,兩人正式簽字結婚。(IG@_jinnyng)
+11

Jinny不時在社交平台Post一家三口的合照高調放閃,但其實她與老公Alex曾分手過一段時間,之後兩人才復合。Jinny在節目「姊妹嘈」環節中大談與另一半相處的點滴時,就大爆自己曾癲到亂砸爛物品:「我同現任嘅老公中間其實有分開一段時間,嗰陣時我上咗佢屋企打爛晒所有嘢,包括電視、魚缸、花樽、床。點解會令我咁嬲呢?就係因為佢換咗屋企個密碼鎖,啫係擺到明要隔開我啦,以後諗住唔見我啦。跟住我就搵咗開鎖佬上去爆咗佢屋企個鎖。嗰次應該係我最差、最激動嘅一次。」

Jinny大爆曾「爆門」入當時男友(即現任老公)屋企,打爛晒所有嘢。(YouTube影片截圖)
+11

Jinny癲到「爆門」又打爛晒所有嘢,相當瘋狂,身為主持的張寶兒和蔡嘉欣都忍不住問兩人要如何和好,但Jinny就講笑話:「和好唔到㗎,所以我而家好憎佢。」不過夫妻之間相處鬧交在所難免,但其實Jinny與老公都有一套夫妻相處之道:「鬧交其實都好講求一個默契,一個願打,一個願挨,我覺得喺我哋兩個之間嘅關係係絕對完全一定存在嘅。我自己其實都幾Enjoy呢種關係,我覺得鬧交對於我嚟講,某程度算係增進感情。」

Jinny覺得同老公鬧交都算係增進感情。(YouTube影片截圖)
+5

而擔任節目嘉賓的黃嘉樂就表示非常認同Jinny:「兩個人鬧交,當時嘅情緒一定會毫不留情咁講出對方嘅缺點。當然只要有啲不能夠講嘅Key Words冇講到出嚟,事後諗返其實佢都話得我啱嘅,咁咪變相係互相了解,增進感情。嘉樂還說每次鬧交都一定是自己先道歉:「因為我好愛我嘅另一半。」果然是絕世好男友呀!

嘉樂同女友感情穩定,更不時在IG放閃!(IG@_wongkalok1214)
鐵馬家族真係好似一家人咁,感情好好!(IG@_wongkalok1214)