【武漢肺炎】二手口罩肆虐藝人頻中招 麥家瑜：你們賺得安樂？
撰文：洪曉璇
出版：更新：
武漢肺炎肆虐下人心惶惶，市民紛紛搶購防疫產品，口罩更係頭號瘋搶目標，早前網上傳出有人執二手口罩再轉售，居然真係被歌手麥家瑜（Keeva）遇上：「這些無良的商人你們賺錢賺得安樂嗎？」
麥家瑜買入二手口罩。（Facebook：@Keeva Mak麥家瑜）
Keeva喺facebook上載多張口罩照片，見到啲口罩明顯發黃、有黑邊，部分甚至有灰塵，令佢相當激氣：「只想說，這些無良的商人你們賺錢賺得安樂嗎？我買了看到了可以立即棄掉，但老人家眼力不夠好，用了怎麼辦？#很憤怒 #多悲哀 #二手口罩」
另外林熹瞳就話家人被騙買咗「未來口罩」：「中伏！屋企人買了「未來口罩」！仲買了$230一盒x 6咁多！良心何價！！？一大清早話有人開倉賣口罩。仲可以買到六盒咁多已經覺得有古怪，跌錢唔係問題，屋企有老有孕婦有我呢啲本身個肺已經有事的高危一族﹗人命何等珍貴，二百三十元可以毒死幾多條人命。我深信發災難財的人一定有報應的。」
林熹瞳家人購入「未來口罩」。（IG：@rachellam1016）