【多圖】戴祖儀被網民笑起唔到飛腳　再拍片證明實力大騷長腿

去年在TVB台慶劇《多功能老婆》中飾演長腿Miss的戴祖儀（Joey），憑着青春活力的形象大受歡迎，尤其是一雙長腿非常吸睛。日前Joey在IG Post出一條打泰拳的短片，以小背心同短褲上陣的她架勢十足，但點知完全「起唔到飛腳」，一秒破功！Joey今日（5日）再Post出一段影片，證明自己的實力！

Joey在打泰拳時出拳有力，但隻腳就踢唔郁，不少網民都笑指她是花拳繡腿。今日她再Post出一條錄製節目《娛樂大家》時拍的影片，並寫道：「個個睇完我打泰拳條片，都話我踢唔起！我唯有拍多條證明自己！！！我真係踢唔起……尷尬之一聲『呵～』」片中穿上高開衩連身褲的Joey，一下提起右腳！雖然還是踢唔起，但Joey的一雙長腿就相當搶鏡，連陳曉華都大讚「咁索」！