【武漢肺炎】薛家燕學校被指停課安排失當 石祐珊:文字溝通有誤

撰文:
最後更新日期:

因應武漢肺炎愈趨嚴重,中小學及幼稚園已多次延長春節假期,停課避免大規模傳染。香港小朋友除咗返學校,亦出名多興趣班,課外活動嘅停課安排亦受到家長們關注。薛家燕開設嘅藝術中心,多年來培育唔少童星,不過有家長就投訴呢次疫情下中心安排。身在外地嘅薛家燕囡囡兼經理人石祐珊接受《香港01》訪問時表示:「應該係文字上溝通大家理解有出入。」

家燕姐開設藝術中心培養大批小童星,之前佢開演唱會都有搵佢哋伴舞。(IG:@kayinsit)

+5
+4
+3

有「媽媽谷」這兩日瘋傳某家長分享,指自己報咗家燕媽媽課程一肚氣:「而家武漢流感高峰期而課程延期,延到4月,我哋已經移民離開香港,唔畀退款,唔畀轉畀其他朋友,一定要我喺移民之前夾硬搵多幾日去上堂,或者之後再加錢報下季Course,再唔係白白Waste咗三堂錢啦!我諗如果為咗想做星媽,可能好多人都會忍。但如果只係想畀小朋友玩下,練下膽量,真係唔好揀呢間。」

有「媽媽谷」瘋傳家燕媽媽學校於疫情期間安排不當。(讀者提供)

就呢件事石祐珊接受《香港01》訪問時表示:「我人在外地,已經搵同事了解,佢哋之前一直同呢位家長Whatsapp溝通,因為本身條款上的確寫報名後冇得退款,可能文字溝通上有誤會,令到佢唔開心。同事已經直接打電話同佢聯絡,雙方溝通清楚已經解決。」

家燕姐囡囡石祐珊身在外地,但已迅速叫同事與相關家長處理今次事件。(IG:@kayinsit)

睇返家燕姐間學校嘅官方社交網站,最後一次更新係一班學員同家燕姐錄影TVB節目《開運王團年迎金鼠》,而學校亦跟隨教育局停課指引,將所有課堂都暫停。石祐珊話:「其實呢段時間我哋已經停咗課,損失方面大家都好大,但始終安全最緊要。本身兩星期前已經同媽咪講不如呢一季課程推遲,但佢真係好鍾意見到班小朋友學得開心,唔捨得一刀切暫停,估唔到疫情發展得咁快,而家都會睇返教育局嗰邊安排再決定課程方面點處理。」

04年開辦學校至今,家燕媽媽嘅學校已經培育數以千計童星。(IG:@motherhongkongartscentre)

要數家燕媽媽學校培育最出名嘅一位,一定係韓國CLC嘅莊錠欣(中),佢細個曾經係香港少女組合Honey Bees成員。(網上圖片)

+3
+2

3月30號係家燕姐70壽生日,珊珊都透露本身早已準備盛大派對:「本身三月尾準備同媽媽搞70歲Party,都有預班小朋友表演,而家都要睇定啲先,所有嘢已經Book晒,但都要睇情況先決定係咪繼續。」

3月尾就係家燕姐70大壽,三個仔女本已準備為佢舉行盛大派對。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。