【武漢肺炎】王維基台灣購口罩製造機 張名雅於HKTVmall留言致謝

撰文:
最後更新日期:

武漢肺炎陰霾下人人自危,全城瘋搶口罩,亦開始有本港商人考慮自設口罩生產線,供應香港內銷,王維基亦係其中一員。HKTVMALL Facebook今日(7/2)透露,原來老闆王維基日前親自飛到台灣,研究購入機器自製口罩,加上連日來良心價發售口罩,連前港姐冠軍張名雅都留言讚好。

王維基早前飛到台灣,有意購入口罩製造機器。(Facebook:@HKTVMALL)

HKTVmall喺2月7日下午,分享王維基早前親自飛到台灣,希望購入製造口罩機器:「雖然假期時佢(王維基)身在海外,但都好擔心香港嘅情況;當時大家都講緊,香港人要有本地嘅口罩生產。於是R小隊開始做資料搜集,搵吓全球邊度有廠有造口罩嘅機器賣。」佢地先後去到5間台灣造口罩機器製造商,最終成功以20萬美金購入口罩製造機。

張名雅以個人帳號留言向HKTVmall致謝。(Facebook:@HKTVmall)

其實好多人都關心香港口罩供應,前港姐冠軍張名雅連日來亦積極聯絡,訂咗一批口罩送畀低下階層及老人家,佢見到HKTVmall連日來良心價發售防疫產品,個多月來向超過64,000個客戶,賣出超過450萬個口罩,亦以真身留言表示:「多謝你哋!」

張名雅連日來出入都有戴口罩。(IG:@caratcheung)

+3
+3
+3


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。