【武漢肺炎】長康邨康美樓出事 林雪曾取景拍劇：記得環境幾好
撰文：洪曉璇
出版：更新：
青衣長康邨康美樓因為出現兩名武漢肺炎確診病患者，疑有大廈傳播風險，故2月11日凌晨，政府漏夜緊急疏散逾百名住客，並送往檢疫中心隔離。其實長康邨於70年代末落成，擁有舊香港的屋邨特色，不時都有劇組前往拍戲。林雪去年拍攝《向西聞記》其中的兩集單元《碌架床》，亦於康美樓實地取景拍攝，對此佢回應話：「拍嗰陣記得環境幾好。」
林雪去年於康美樓拍攝《向西聞記》其中的兩集單元《碌架床》。（劇照）
《碌架床》講述一家六口迫住 300 呎公屋單位嘅各種悲哀，「老爺」林雪又因為「細家嫂」蔡明思霸住廁所沖涼，撞正肚痾而在家中大廳「瀨屎」，呢幕由林雪「瀨屎」開始到鬧仔嘅嗌交戲，全程喺康美樓單位拍攝。林雪透過新聞報道得知康美樓「出事」，佢話：「又會咁橋嘅？拍嗰陣記得環境幾好，乾淨，樓上電梯大堂又大又通風，希望受感染確診嘅病患者快啲好番，疫情早日過去，不過大家呢排都真係要注意衛生，小心身體。」
林雪驚聞長康邨康美樓出事。（劇照）
+2