【今日疫情】想知廁所渠位有無漏氣 專業驗樓師：只需要洗衣粉
撰文：鄺鈺瑩
出版：更新：
今集有專家教大家點樣檢查屋企廁所糞渠有無漏氣。
武漢肺炎疫情蔓延，唔少專家都呼籲市民減少外出，但留喺屋企又係未最安全呢？青衣長康邨康美樓疑排氣喉播毒，昨晚政府隨即啟動跨部門應變小組，宣布即時安排康美樓07單位所有居民入住檢疫中心……
有網民發起自我檢驗武漢肺炎方法：先呼氣再閉氣十秒，如果呼吸正常的話，就代表無事……對於呢個民間自我檢驗，節目嘉賓感染及傳染病科專科林緯遜醫生就話其實唔多work。
最新一集《今日疫情》請嚟專業驗樓師詹濟南，教大家檢查一下屋企廁所有無洩漏糞氣。「往往都係手工問題，有時渠位喺安裝坐廁時，裝得唔夠好的話，底部不會漏水，但頂部會漏氣，漏氣有機會做成傳染。」想檢查屋企渠位有無漏氣，原來只需要番梘或者洗衣粉，將洗衣粉混入水之後，將泡沫覆蓋喺渠位，如果渠位真係有漏氣的話，沖廁時泡沫會被吹起。方法簡單又快捷，大家不防試試。
檢測渠位教學逐格睇
+9