【武漢肺炎】索價千元口罩 黎諾懿怒吼：寧願唔用都唔會買
撰文：吳子生
出版：更新：
黎諾懿昨晚（11/2）現身將軍澳電視城出席無綫綜藝節目《娛樂大家十點半》錄影。本港受疫症影響「一罩難求」，有奸商將一盒50個日本製的口罩價格，提高至1780元出售，諾懿直斥發國難財：「我寧願唔用都唔會買，我覺得唔應該咁做，可能我經歷過沙士嗰個年代，應該大家同心協力度過呢個難關，並唔係發呢啲咁嘅財，等於娛樂圈呢段時間都係冰封緊，我哋啲演員都唔會埋怨，好似噚日李施嬅都落區派口罩。我想講我哋應該要同心合力去做一啲事，幫助我哋身邊有需要嘅人，發揮我哋香港人互助互愛嘅精神。」
黎諾懿呼籲大家千其唔好恐慌，香港一定戰勝這場疫戰。（梁碧玲攝）