【武漢肺炎】周子揚北上發展應酬硬食野味：狗肉同蜥蜴我都見過
撰文：吳子生
出版：更新：
香港現時受疫症影響「一罩難求」，周子揚眼見市面供不應求，今日（17/2）下午現身西灣河向市民派發消毒搓手液及口罩，為市民解燃眉之急：「呢幾年我都喺內地發展，知道武漢嗰邊好多人受到感染，當知道呢個病毒嚟到香港，於是自發性聯絡一啲商界嘅朋友，去籌備今次呢個派發行動，呢次行動我哋會派總數二千五百個口罩及五百樽消毒搓手液，大慨會有一千名市民受惠，每名排隊人士可以二選一。」
對於將來會否回巢無綫，子揚坦言地球是圓的，任何事都會有可能發生。（梁碧玲攝）
提到2015底約滿無綫後北上發展賺人仔，少不免要應酬食飯打好關係，子揚坦言內地飲食文化喜歡食野味：「其實喺內地，當地人喜歡食啲奇奇怪怪嘅嘢，例如狗肉及蜥蜴，我都見過，講真自己真係唔敢食，但有時都避免唔到都要硬食，試過食炸蜥蜴，因為做呢行真係避免唔到，不過宜家真係驚到連蛇我都唔敢食，惟有盡量避開唔食唔係家禽類嘅食物。」
+3