【後生仔傾吓偈】高質新血KOL私相全面睇 邊個慘遭戴祖儀話蠢?

撰文:鄺鈺瑩
出版:更新:

J2台節目《#後生仔傾吓偈》每隔一排就會加入新血,除現任主持陸浩明同馮盈盈之外,去年底宣布加入林穎彤、戴祖儀及黃美棋三位。而為加強氣氛,每集都會有一大班大學生KOL一齊傾吓偈,而呢批後生仔唔經唔覺已經去到「3.0」系列,當中最年輕嗰位更只得19歲。

游嘉欣算係幾位後生仔中,有較多嘅拍攝機會同經驗。(kayan_yau@IG圖片)

游嘉欣
19歲嘅游嘉欣(Kayan)乃學生一名,就讀城市大學嘅管理學系。去年被Big Big Channel睇中之後,以KOL身份入行,除咗做過《電競王》、《跨跨跨世代》、《天天開運王》嘅嘉賓之外,亦因為外表同何雁詩有幾份相似,所以獲邀做其MV《我會想念他》女主角。上星期佢現身《#後生仔傾吓偈》時,就即被曾經合作過嘅戴祖儀mean評為「蠢」,戴祖儀表示:「有次錄VO,佢只係需要叫救命,但錄咗3、40次都唔得,導演最後話算啦。」雖然游嘉欣連「救命」都嗌得唔好,但近日佢已獲安排於羅天宇、龔嘉欣、王敏奕嘅新劇《香港愛情故事》演出,都算多發展機會。

+5
Bonnie樣子甜美(bbbonnielui@ig圖片)

呂靜文
同樣係00後、只得19嘅呂靜文(Bonnie),現於香港專上學院就讀酒店管理課程。或者係因為無咩拍攝經驗,所以Boonie喺節目中都唔係好好表達自己,就算係被一眾主持評為「公主病」、「扮天真」亦照單全收,甚至解釋自覺有公主病係因為「唔識煮飯」……睇嚟Bonnie真係要好好練習下應對能力啦。

+4
黃芷欣喺節目日透露自己拍過兩次拖,已經有男友嘅佢仍想識多啲新朋友。(tszyan43@@ig圖片)

黃芷欣 
23歲嘅黃芷欣畢業於理工大學嘅設計系。去年成為Big Big Channel KOL嘅佢,曾擔任過《Think Big天地》、《電競王》節目嘉賓。雖然IG有唔少同男友嘅甜蜜照片,但黃芷欣喺《後生仔》中,就話自己感情狀況係「O2A」,即係「有男朋友但唔介意識多啲新朋友」,呢位後生仔嘅態度又幾特別喎……

+19
後生仔3.0中唯一一位男仔。(ensonlau@ig圖片)

劉頌鵬
新血中,唯一嘅男仔劉頌鵬(Enson),畢業於香港專業教育學院廣告課程。早前以模特兒身份入行,曾接拍過電影青春戰記》以及《青春戰記2之來得及再愛妳》,去年喺金像獎上,係32位年青演員主持之一。此外,Enson去年亦有參加《全民造星》。

+4