【鄭秀文演唱會】黃子華做嘉賓催生B︰三母子走出嚟贏晒!
撰文：葉衛青
出版：更新：
安仔被擺上枱，Sammi笑到駁唔到咀，子華未肯罷休不斷拉住她。
台灣歌手蕭煌奇擔任表演嘉賓之一。
鄭秀文（Sammi）《Touch Mi 2鄭秀文世界巡迴演唱會2016》昨晚在紅館舉行第二場，Sammi心情勁靚，換了幾款新裝，全晚笑得開懷。許志安(安仔)、梁漢文夫婦、雷頌德夫婦、徐濠縈、谷德昭、林子萱、Marianne、溫碧霞等好朋友捧場。
台灣歌手蕭煌奇昨晚擔任表演嘉賓，他一出場引起哄動；就連已宣布「封咪」的黃子華，他為Sammi不但破例楝篤笑大放笑彈12分鐘，還大開金口清唱她和許志安定情歌《其實你心裹有沒有我》，焦點立即落在觀眾席上的安仔身上。子華說：「許志安，你話係咪離譜？各位，我上來我犯的錯係咩呢？我同Sammi唔熟就扮熟，他同Sammi好熟但就扮唔熟！而我上網找資料，所有鄭秀文的嘉賓都同她好有密切關係，點算呢？終於畀我搵到一個，呢個衰過我，有人墊底……」全場尖叫。其實，兩人的淵源來自2年前合演電影《失戀急讓》，飾演離婚夫妻，只有一場對手戲，戲裏對白少到記不起，戲外對話亦只是幾句，被邀請任嘉賓而感緊張。
至於安仔被擺上枱，Sammi笑到駁唔到咀，子華未肯罷休，指他們是童話中的童話，還肩負社會意義，說：「今時今日，香港少咗好多童話，所以如果許志安鬧你，你係有權同佢講：『收聲！唔係為咗我，係為咗香港！我叫你去買豉油就買豉油，唔好駁嘴，大局為重！』」子華還催促Sammi生BB：「呢個童話點樣可以最完美呢？生個仔。連名我都幫你諗埋，叫做『勝不許敗』！你哋三母子一齊走出嚟，贏晒！許志安、鄭秀文，許勝不許敗！」說罷，攬住Sammi一齊從舞台機關離場，全場觀眾報以熱烈掌聲和歡呼聲。
勁歌熱舞全場哄動。
觀眾high爆齊齊萬人大合唱。
許志安睇得好興奮企起身拍打氣捧。
子華講到唔捨得走，Sammi笑到踎在地上。