【財政預算案2020】藝人歡迎派錢決定 林泳淘:我覺得政府好好!

撰文:
最後更新日期:

財政司司長陳茂波今日發表新一份《財政預算案》,在多項派糖方案中,包括了向所有18歲或以上的香港永久性居民派發1萬元現金,這亦是今次的預算案中惠及最多市民的一項措施。圈中一班藝人也有留意相關的新聞,對政府派發一萬元當然表示歡迎。《香港01》就電話訪問了林泳淘、江嘉敏、鄺潔楹以及何遠東,有關今次派錢方案的感受和打算怎樣去花呢一萬元。

林泳淘:「我覺得政府好好啊。」(IG@wingt)

林泳淘:「我覺得政府好好啊,雖然佢由始至終都冇聽市民嘅意見,唔封關,唔幫醫護,撲唔到口罩,但佢派呢一萬蚊真係解市民之急,相信市民唔知幾耐之後收到呢一萬蚊,一定可以成功買到口罩架!!但認真對有需要嘅低收入人士來講係好事,只係大家可能會更希望政府能夠用心將正確嘅事正確地做,因為市民嘅心不能單靠錢維繫的。」

林泳淘話唔知幾時可以收到呢一萬蚊。(IG@wingt)

+5
+4
+3

何遠東:「今朝一早起身就聽財爺宣布。一萬蚊有啲乜嘢感覺?無咩感覺,10000除開12個月,既係每個月有833.3333333,立即幫補買口罩消毒用品嘅錢囉,都係財來財去。扣除晒防疫開支,全部上繳阿媽儲埋佢,等遲啲一家人去旅行。」

何遠東今朝有聽新聞報道。(IG@fattung924)

江嘉敏:「買防疫用品都唔止 (呢個數),拎到手再算,次次派親錢都冇份,今次終於有份。鄺潔楹:「我唔會用,我會儲起佢。因為啱啱交稅都用咗唔少錢,同埋預計呢一年嘅收入應該都會相對減少。難得有一萬蚊入番戶口,我唔會亂咁洗啦。」

黃建東:「我知道政府嘅宣布,個人感覺係可以短暫刺激消費同埋幫補一下,但嚟緊失業率會繼續上升,希望政府可以製造多啲就業機會。我自己嚟講,因為外面好多工作都已經取消,收入驟降,呢一萬蚊都係用喺基本衣食住行同埋購買必需品方面。」

江嘉敏話買防疫用品都唔止一萬蚊。(IG@kaman_kong)

+9
+8
+7

鄺潔楹:「我唔會用,我會儲起佢。」(IG@judy.kwong)

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。