陳奕迅親自設計潮服 送贈好友唯獨霆鋒冇份
撰文：陳浩賢
出版：更新：
陳奕迅（Eason）是殿堂級歌手，對自己的音樂作品相當有要求，原來他對設計衣飾亦甚有興趣，近日Eason跟Adidas合作，設計名為「奕」系列的秋冬服裝，10月1日中港台同步開售，而他亦成為首位華人歌手擁有親自設計的該品牌系列衣服。
Eason講述他設計服裝的經歷，雖然有滿足感，但他還是想先做好自己的音樂品牌。
首次當設計師的Eason，連logo「奕」字也是他一手包辦，Eason表示自己是天生選擇困難症的人，對細節要求好多，但到自己親自落場做生產商，才知不是一回事，令他獲益良多。經過今次的設計師經驗，Eason卻並不想繼續進軍時裝界，他表示：「我努力搞好自己音樂品牌先啦，時裝太難太複雜，如果他日真係出產品，反而想出全世界最好聲的headphone。」
Eason看着男模穿上他親自設計的服裝，流露出滿足笑容。
Eason親自設計的服裝，當然已預了老婆徐濠縈及囡囡康堤，Eason亦會送贈給圈中好友，而且由Eason親自挑選合適的服裝，他表示：「舒淇我揀咗件衫俾佢，就順便揀埋比馮德倫，咁當然唔會係情侶裝啦，咁老土咩。Angelababy都有，我都揀埋俾黃曉明，許志安有，鄭秀文都一定要有，咁冇理由老公有，老婆冇，或者老婆有，老公冇嘛。係唯一我揀咗俾童童、王菲，但冇比謝霆鋒囉。我怕佢成日煮嘢整污糟我啲衫，彈晒啲油上去。」
Eason跟幾位男模一起登場。
Eason出席完上海的服裝發布會後，馬上要到合肥開個唱，但他仍堅持一星期最少做三次運動，所以身形明顯清減了不少，但他強調並非為了自己設計的服裝，想穿得好看才做運動keep fit，他半開玩笑表示：「做運動主要是為健康，我啲衫會着瘦人的，唔使減都着得靚，唔信？去支持吓買番件咪知囉。」Eason雖然賣花讚花香，但他設計的服裝今次是推出限量版，買來收藏亦未嘗不可。
Eason不但設計秋冬服裝，連「奕」字logo也是他一手包辦。