梅媽覃美金缺席「疫市」九十六歲壽宴 梅啟明:佢感冒病咗幾日

撰文:吳子生
出版:更新:

已故香港歌影壇藝人梅艷芳母親覃美金在疫症肆虐下,今晚(28/2)於銅鑼灣舉行九十六歲大壽宴,由上年筵開26席大減至今年六席招呼親朋戚友。據兒子梅啟明透露,梅媽媽因感冒不適將會缺席今晚壽宴:「因為佢老人家突然唔係咁舒服嚟唔到,因為疫情嘅關係,醫生都建議佢唔好出席活動,避免受到感染,其實佢都好想嚟,不過佢已經病咗幾日身體唔係咁好,可能近來天氣忽冷忽熱搞到佢患咗感冒,不過啲賓客宜家仲未知佢唔嚟。」

梅媽覃美金擺大壽,但可惜身體欠佳缺席。(資料圖片)

上年梅媽媽向梅艷芳信遺產信託基金申請撥款舉行壽宴,獲批25萬港元擺大壽,今年亦不例外。梅啟明坦言申請撥款並不困難:「因為每年都做開,至於今年撥款幾多錢自己就唔知道,呢樣要問返梅媽媽。」被問到會否擔心賓客嚟唔到?梅啟明坦言:「今晚真係好多嘉賓嚟唔到,因為有啲賓客去咗韓國及其他地方玩,之後返嚟要自我隔離,所以嚟唔到,剛才都收到幾個電話話嚟唔到。」

梅啟明坦言受疫情影響,部分嘉賓缺席今晚梅媽媽壽宴。(葉志明攝)