【3日2夜．多圖】陳詩欣鍾晴越南大騷水着 慘遭百厭馬騮「胸襲」
撰文：葉詩
出版：更新：
「宅男女神」陳詩欣（Eunice）早前與鍾晴（Karlie）到越南富國島及胡志明市拍攝無綫（TVB）旅遊節目《3日2夜》；一如以往，主持人都會到當地「大解放」，兩位主持除了在當地歎SPA外，還繼續向陽光與海灘出發。Eunice過往拍攝節目時均穿「一件頭」泳衣，今次實行解放尺度，首次以比堅尼上陣晒Fit爆身材，Eunice笑說︰「我從來未去過越南，對我嚟講幾新鮮，陽光與海灘少不免會有水着，以前會着一件頭比較保守的泳衣，但今次我決定喺呢個咁靚嘅地方着比堅尼。」
點擊圖輯睇二人旅行靚相～
+18
Eunice不但在沙灘上吸睛，去到動物園拍攝時，更遇上百厭猴子「鹹豬手」，她直言非常難忘︰「因為鍾晴出名驚動物，我唯有自己一個拎住零食行入去同馬騮玩，點知馬騮真係好活躍，其中有隻我估係雄性，爬到我頭上，為了食粟米，仲有隻手伸咗入去我重要部位。」被「胸襲」後的Eunice笑指事後很多人關心她，不過她卻大讚百厭馬騮得意︰「好多人都關心我當時痛唔痛，其實嗰隻馬騮沒有手指甲，所以冇被佢整傷，但我覺得牠們好得意。」