羅志祥周揚青傳分手 網友揭二人社交網站個半月未有互動

撰文:
最後更新日期:

現年40歲嘅羅志祥,同內地網紅女友周揚青眨下眼拍拖多年,小豬嘅粉絲亦由反感變成支持,仲希望偶像快啲成婚。不過有網友發現一向愛公開發閃嘅佢地,近個半月都無喺社交網互動,惹來分手揣測。

羅志祥周揚青拍拖8年,多次傳出婚訊。(IG:@gracechowwwww)

周揚青早已融入羅家,同羅媽媽關係極好。(IG:@gracechowwwww)

之前小豬同周揚青不時喺社交網打情罵俏,又互相著對方潮牌服飾幫手宣傳,去年聖誕把臂共遊主題樂園,著埋情侶裝放閃。不過有網友發現,今年1月21日後,二人無再LIKE對方嘅帖文,而且周揚青1月22日後無再發文,直至3月先再更新IG。

去年聖誕羅志祥周揚青著情侶裝同遊主題樂園。(IG:gracechowwwww)

自1月周揚青呢個帖文後,小豬無再LIKE之後佢出嘅帖文。(IG:@gracechowwwww)

目前二人仲有互相追蹤IG,但不論係微博、抖音等,近2個月都無PO出放閃帖文,甚至就連2月14日情人節、兩人紀念日都無放閃,因此被揣測「2人已分手」。羅志祥經理人公司回應傳媒查詢時,只表示藝人私事不回應。

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。