韋綺姍撐囡囡黃芮琳入行：考慮自資幫愛女出碟
撰文：郭敏玲
出版：更新：
韋綺姍眼見囡囡都長大，所以會支持女兒做自己喜歡的事。（郭敏玲攝）
韋綺姍出席新碟的音樂分享會，囡囡黃芮琳（Natasha）、好友林子祥、胡渭康及杜自持現身撐場。女兒Natasha首次會見眾多傳媒及媽媽的歌迷，表示非常緊張。韋綺姍在旁即講笑話，「第時你出道的話，就要自己一個，媽媽唔會喺你身邊。」她續道如果有人願意投資為女兒出碟，都會支持女兒唱歌，又講到不排除自資給女兒出碟，Natasha聽到非常感動，媽媽隨即就話：「我係一個唔會逼人的媽咪，所以都想佢做到想做的事。」
林子祥笑言由韋綺姍入行開始，已睇好對方，今次出發燒碟也鼎力支持。（郭敏玲攝）
其後講到女兒在英國唸大學，學校要求學生要提供工作經驗，Natasha就話：「我大學讀舞台的時裝設計，當時就想在當地找工作。」韋綺姍其後就話：「自己一個係當地打工，唔好啦，不如返嚟香港，起碼都有我喺度陪佢。」果然愛女心切。
韋綺姍其後表示今次與女兒Natasha及林子祥合唱《三人行》，Natasha坦言小時候坐媽媽車就有聽過林子祥的歌，而韋綺姍就話參加歌唱比賽時，林子祥就做評判，一直都恨同對方合作，今次得償所願。而對方除了合唱《三人行》後，加送合唱多一首英文歌不特止，還親力親為參與後期混音工作，令韋綺姍非常感動。
韋綺姍、林子祥與黃芮琳即席合唱《三人行》。（郭敏玲攝）