【夠細奇則】2百呎納米單位附140呎花園　 網民： 寧願要多間房

開電視嘅《夠細奇則》集集有驚喜，其中一集介紹位於洪水橋嘅219吹納米開放式單位，雖然小到連房都無，但就竟然有個142呎嘅花園，發展商仲送一棵唔斬得嘅樹，唔少網民「參觀」完之後，都不約而同表示「寧願要多間房都唔要個花園」

主持人李尚正以買家身份參觀呢個單位時，一入到屋，佢對廁所讚賞有加，全因樓底夠高。不過，轉出客廳之後，見到廚房有煮食爐同微波爐，但欠卻洗衣機，阿正就話寧願唔要微波爐都想要部洗衣機。置身於10呎嘅客廳之中，阿正左度右度之後，就話：「擺部50吋都仲得，招呼朋友無敵。」
 

喺香港，通常設計師都會將主人房升高，阿正對於50呎閣樓十分滿意，仲話「幾個朋友一齊碌都無問題」，大讚實用，真係唔知佢係未心嗰句。再轉到出花國，阿正認為住納米樓有花園，可助轉換心情，但略嫌分體式冷氣擺喺花園會變蒸爐。