洪永城與「五個小孩」合作 坦言曾想過生小朋友
撰文：郭敏玲
出版：更新：
洪永城經過今次與小朋友拍攝後，沒有因此而怕了生小朋友。（符祥定攝）
洪永城面對一班如此聰明的小朋友，都無晒符碌地。（符祥定攝）
洪永城與《五個小孩的校長》中的五個小孩嘉嘉、珠女、小雪、Jennie及Kitty到北角出席環保節目《五個小孩的大叔》記者會。成為「大叔」的洪永城一開始就被5位童言無忌的小朋友大爆秘密，說「大叔」第一日見到「五個小孩」，就逼小朋友叫自己大叔！洪永城話：「都係監製要求啫！」
面對一班如此聰明的小朋友，洪永城笑言唔會做醜人：「我就負責氹細路，而監製個樣比較嚴肅，所以小朋友有甚麼事都好，監製一聲：『做咩事！』班小朋友就會聽話，我就不會做衰人，我好好嘅！」洪永城被稱為大叔，他反而覺得沒問題，「我要做一個可愛純真的大叔！」不過小朋友愛唱反調，直指洪永城唔靚仔，其中Jennie笑言：「因為真係唔靚仔！」洪永城真係無晒佢哋符！
其後「五個小孩」被問洪永城有沒有內涵，Jennie首當其衝話有，但問到甚麼是內涵時，她回答：「感覺好似好鹹！」令全場爆笑，事後洪永城就補鑊：「Jennie未必知道真正意思，廣東話好博大精深嘅！」除此之外，洪永城還被小朋友大爆拍攝期間有同女友唐詩詠密密短訊，他說：「咁的確有，仲會有視像通話，因為阿Nat（唐詩詠）好鍾意佢哋，都有來過探她們。」問到會否想生小朋友？洪永城話有想過，兼且會與女友依正常方向打算，但現階段還是順其自然。
「五個小孩」還即席獻唱兒歌《小太陽》。（符祥定攝）