【踩過界II】王浩信鬥秦沛勁重火藥味 一場撞車戲拍足成晚

撰文:林迅景
出版:更新:

《踩過界II》日前(22/03)進行外景拍攝,戲中王浩信(飾文申俠)與秦沛(飾簡紹宏)更有一場街頭對恃戲份,短短幾句對白之中就充分感受到兩師徒之間的火藥味,十分震撼!王浩信接受《香港01》時說:「13年前因為一單案而令兩師徒分開咗,簡紹宏因為咁就唔認我呢個徒弟,不過又因為呢單案而令我哋拉近返個關係,其實今日場戲就係講架車差啲撞死我...」說到這裡,Paul哥就提示王浩信不能透露太多劇情。
哎呀,差少少就知個劇情!

劇中王浩信飾演「文申俠」、秦沛飾演文申俠的師傅「簡紹宏」,而潘志文就在一其中一個單元中飾演富豪「陳鴻燊」。(梁碧玲攝)

眾所周知,秦沛(Paul哥)近年甚少出現在電視圈,但每次出場定必令人看得拍案叫絕。問道有甚麼原因吸引他「出山」呢?Paul哥回答:「係監製搵我嘅,可能係因為睇完我喺舞台劇《奪命証人》嘅演出,覺得我適合啦。」更表示可以趁機與老朋友潘志文聚舊。

秦沛(Paul哥)同王浩信對戲,好期待。(林迅景攝)

在劇中的角色是否奸角?Paul哥聞言就反問記者:「你睇得我做好人少咩?真係吖。你唔好大我吖,我又嚟嗰句嘢㗎啦,哈哈哈。」看來Paul哥都有留意網上的討論。他續說,劇中的簡紹宏較為現實,並不是奸角,而王浩信就補充說:「冇分正定邪,只係喺法律上有唔同立場。」

演員們,秦沛、王浩信和導演都會先對稿一次,才正式拍攝。(林迅景攝)

王浩信今次擔正《踩過界II》做男一飾演「文申俠」,可謂是落足心機。他接受訪問時,就表示在過去的三個多月中為趕進度,已經是全速開工:「冇一日休息。前日啱啱完成脫水嘅狀態,收朝頭早6點鐘,只係瞓咗三四個鐘已經又要起身準備做開工。」監製說:「今次佢戲份好多,之前連續開咗10幾日法庭戲,日日都佢又有大量對白,都幫我哋Chur咗10幾日㗎。」監製更大讚王浩信夠專業:「佢不嬲都好識處理啲戲,點樣去修身,其實(咁辛苦修身)都係想娛樂觀眾,畀啲最好嘅嘢大家。」

空檔的時候睇下電話解悶。(林迅景攝)
+32