【多功能老婆】朱晨麗拍續集聽公司安排:我自己係冇芥蒂

撰文:賴家杰
出版:更新:

朱晨麗(朱朱)今天(24日)出席《法證先鋒IV》的宣傳活動。朱朱接受《香港01》訪問時坦言從蘇州鄉下回來香港後甚少出門,除了出席宣傳活動之外,幾乎是留在家中:「早幾日屋企紙巾冇哂,我先冇辦法落樓下買。大部份時間都係叫外賣,所以我好安全。」

提到《法證先鋒IV》即將播放完畢,朱朱坦言之後會有一段空檔期。問何時再會拍劇?她說:「應該都會快有劇拍,除咗公司傾緊,我出面都傾緊幾部電影,但詳細要等公司公布。(轉戰電影圈?)一路都有Keep住拍,希望兩邊都試下,但我都係想有人搵我唱歌,做歌手!」

朱朱透露在家中主要是做運動和學煮嘢食。(陳順禎攝)

提到朱朱有份演出的《多功能老婆》有傳會開拍續集,但有指朱朱和拍檔洪永城因不和所以「兩個只能活一個」,她回應時說:「其實如果開第二部我當然會開心,我係經理人合約,你話接戲、宣傳、活動等都係公司安排,我自己係冇芥蒂。(現在同Tony關係點?)同以前一樣,朋友。」

+1