【飛檳吧！男神】火辣人妻嘉賓李苑荥　細細粒曾參加嬌小美后選舉

ViuTV節目《飛檳吧！男神》去到馬來西亞拍攝，兩位男神主持莫竣名同黎學勤都大讚女嘉賓夠熱情之餘，又識照顧人。第一集有KOL兼夜場DJ，第二集呢？搵嚟2015馬來西亞世界嬌小美后選舉殿軍李苑荥（Angel.L)做嘉賓。Angel雖為已為人妻，但由於勤於健身關係，所以身材前凸後翹，IG亦因而有唔少性感照片。

馬來西亞人熱衷於選美，李苑荥早年參加嘅嬌小世界美后選舉（Mrs Malaysia Petite），特別之處係唔可以比身高超過162CM嘅女性參與，藉此鼓勵小女性勇敢踏出第一步。有別於傳統選美，Mrs Malaysia Petite不設泳裝環節同才藝表演，冠軍同季軍得主可獲學院贊助嘅專業文憑課程。