與韓君婷同居兼wtspp留下愛情密碼 六合彩之子蔡國威:多謝關心

撰文:
最後更新日期:

46歲嘅蔡國威與44歲嘅韓君婷,相識22年,多次以「好好好朋友」形容雙方關係嘅二人,近日被發現同居。(ladybelindahon@ig圖片)

現年44歲嘅韓君婷,97年參選亞洲小姐成為冠軍入行,出道時,她與她與初戀男友著名髮型師葉錦昌正值熱戀期,惟當時男方發現患上肝癌,她仍不離不棄並獲男友求婚,可惜最終天人永隔,喺多重打擊之後,韓君婷曾一度患上厭食症及抑鬱症。

韓君婷早年由新加坡回流香港,雖然想重返幕前亦但遇上不少阻滯,她除了接主持工作、鑽研食譜兼自拍下廚短片外,亦做埋醫學美容工作。(ladybelindahon@ig圖片)

前年韓君婷母親患癌離世,對她造成極大打擊,幸當時身邊有不少好友相伴,當中包括相識逾22年嘅亞視之殺蔡國威,去年二人被影到齊齊以街坊裝喺九龍城食飯,之後又一齊到超市掃貨,猶如情侶一樣,不過當時韓君婷否認,並指二人好合拍,係好朋友。

蔡國威嘅WhatsApp暗藏愛的密碼。

近日二人再次被傳同居,原因係有媒體影到佢哋一齊睇傢俬之後齊齊返回九龍城寓所。蔡國威現為TVB藝人,除《六合彩》攪球儀式主持人,亦有參與劇集拍攝,但始終唔係力捧小生,收入有限;至於從事醫學美容行業嘅韓君婷,有指佢收入亦都唔算高。據悉,二人現於東頭邨同居,問到點解會揀公屋而非私樓同樓?蔡國威接受《香港01》訪問時,就表示:「多謝關心,但我暫時唔回應住,過兩日我會出嚟見大家,到時一次過再回應。」。雖然男女雙方都一致以「好朋友」回應,但再睇睇蔡國威喺WhatsApp喺關於部分中,原來早已暗藏玄機,一句「n paau I n 55!W I n a^o7 I」看似亂碼嘅交字,只要將其倒轉來看,即時變成「l love u I Miss u I need u」,雖然未知蔡國威是否電影《志明與春嬌》嘅忠實觀眾,但喺非常時期出現一句戀愛密語真係令人有好多幼想空間。

韓君婷當選後,憑鬼妹仔外型大受廣告商歡迎。(視覺中國)

+17
+16
+15


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。