【慶餘年】陳萍萍暗藏報復大計 吳剛最初以為要反串做女角

撰文:
最後更新日期:

或者係因為未曾睇過原著,所以當初吳剛收到劇本時,一見到陳萍萍三粒字時,竟然以為要反串女角。

內地天價片酬早已是影視圈常態,過往楊冪、孫儷、楊穎(Angelababy)等人劇集片酬有傳係8000萬,但自從逃稅風暴爆發後,喺限薪令之下,有傳孫儷新劇《家安》總片酬係1620萬。《慶餘年》去年在內地播出後,網上流上一份相關演員嘅價錢表,飾演慶帝嘅陳道明預計片酬為2163萬、飾演范閑嘅張若昀片酬為3773萬、雞腿姑娘李沁則為3000萬,《慶餘年》第一季有46集,拍攝時間長達半年,片酬逾千萬實屬正常。

陳萍萍最初出場時,對范閑處處維護希望得到對方嘅信任。(影片截圖)

不過,喺價錢表流出之後,有網民竟然發現劇中飾演陳萍萍嘅吳剛,片酬竟然係零!其實陳萍萍一角極為重要,貫連慶帝、范閑之母葉輕眉,喺20集打後戲份甚多,零片酬到底真定假呢?雖然吳剛從未出面說明,但有指吳剛因與導演孫皓份屬好友,當佢知道大部份製作費都用在演員片酬後,即向導演提出零片酬。另外,亦有指吳剛最後唔打算接拍《慶》,但得知可以同陳道明、于榮光(肖恩)交手,吳剛爽快答案出演。

吳剛過往嘅角色都man味十足。(微博圖片)

喺原著中,清楚交代了陳萍萍係一名太監,不過,喺劇中就未有提及,只知道佢係慶帝嘅左膀右臂。其實陳萍萍表面上對慶帝忠誠,但內心卻充滿憎恨,事關陳萍萍早年並未受過任何人尊重,直到遇上范閑之母葉輕眉,可惜慶皇為咗權力而將葉輕眉殺死,自此之後,陳萍萍一直搵機會報復。

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。