【新冠肺炎】張曦雯爆男友自我隔離 間接承認同居:開窗聽佢把聲

撰文:陳栢宇
出版:更新:

張曦雯(Kelly)、吳若希、湯洛雯、戴祖儀和蘇可欣五位靚女昨日(31/3)出席電訊公司發布會,由於政府禁止4人以上人群聚集,所以大會發言人指活動屬內部工作會議,不但限制採訪人數,並事前將門市停業3日,做足消毒措施。

雖然一眾靚女都未有戴上口罩,但Kelly接受訪問時便指自己好放心,更透露曾有新冠肺炎確診者到過外籍男友去開的健身室,所以男友為安全起見自我隔離14日:「我哋喺屋企都Facetime,佢自己一個睡房同洗手間,食飯就放佢門口,有時佢想講嘢就會開個窗聽佢把聲。」間接承認同居。

張曦雯間接自爆與外籍男友同居。

提到美國疫情嚴重,當地更出現歧視亞裔情緒,問會否擔心身在芝加哥的父母?Kelly坦言當地治安出現問題,所以最近兩、三星期都沒有開舖:「當地防疫物資唔夠,我都有寄番啲口罩畀佢哋。」另外,同場的湯洛雯亦指自己為安全起見回家後即匿入房自我隔離:「冇乜同屋企人講嘢,本身同妹妹一個洗手間,都叫佢唔好一齊用住,安全緊要啲。」

+16