【機場特警】張振朗親姪仔張鈞睿飾演童年:睇住你做戲有眼濕濕

撰文:洪曉璇
出版:更新:
《機場特警》每集開頭有兩位小演員飾演張振朗同蔡思貝童年。(IG:@asu330tvb)

TVB劇集《機場特警》每集播主題曲之前,都會有段劇中張景山(張振朗飾)同辛凱晴(蔡思貝飾)嘅童年小故事,兩個小童星張鈞睿黃語芊相當可愛。之前提過黃語芊係經驗豐富嘅小童星,原來現年10歲嘅張鈞睿身份更特別,因為佢正正飾演緊親叔叔張振朗嘅童年。

原來現年10歲嘅張鈞睿正正飾演緊親叔叔張振朗童年。(IG:@owencheung)

其實睇返張振朗IG,不時都有貼出同張鈞睿(LOOK LOOK)嘅生活照,兩叔侄感情非常好,張振朗工餘時都會帶LOOK LOOK同另一個侄仔周圍去玩,去年生日送上巨型魁隆手套,又帶佢地去主題樂園。張振朗接受訪問時話覺得自己同LOOK LOOK好似樣,佢仲上載LOOK LOOK劇中片段到IG,留言話:「胖小山,睇住你做戲,我都有種眼濕濕既感覺。我侄仔演我細個張景山。」

張振朗張鈞睿兩叔侄感情相當好。(IG:@owencheung)
張振朗喺IG放張鈞睿演出片段表示好感慨。(IG:@owencheung)
+10
發表評論...