【新冠肺炎】周柏豪袁偉豪捐過萬口罩予前線清潔：你們是真正英雄

新冠肺炎（新型冠狀病毒、COVID-19）全球疫情仍未受控，各國禁止口罩等防疫產品出口，大家都要為撲口罩而煩心，打工仔如是，低收入家庭、老人家等更無力購入炒價口罩逼住重用甚至唔用。周柏豪呢日喺IG透露，自己同袁偉豪等幾位朋友捐出10000個口罩﹗

柏豪最近孖住袁偉豪去行山攀石，喺山頂高處睇風景傾計，相當寫意。原來二人除咗約埋做運動，私下仲夾份做善事。柏豪喺IG話：「跟幾位朋友一起在不同地方購入了一些抗疫物資，將可以分享的幫助有需要的人。也感謝 @foragoodcause.hk 的幫忙，將我們想分享的一萬個口罩包裝好，將會捐贈到低收入家庭、老友記，還有前線的清潔人員。他們是自發性的義工團隊，一直將從各方捐贈的口罩和物資，親手送到有需要的人手中。感謝你們，加油﹗你們是真正的英雄。」