梁舜燕再拍活絡油廣告逐年收錢 防腐上等人最怕botox：聽到都驚
撰文：林通賢
出版：更新：
Lily姐兩個月前拍攝新廣告，不少網友都讚她保養不錯。
Lily姐在《城寨英雄》飾演三姨婆搶鏡，嚟緊將會拍《城寨》監製文偉鴻的新劇《同盟》。
除了曾江的美源髮彩之外，83歲梁舜燕Lily姐(不少人稱她為上等人)代言的唐太宗活絡油亦是經典廣告之一。廣告中Lily姐在服裝間呼籲人買活絡油，製作簡單、有些老土但入腦，這個由2000年開始每天在中午或者宣傳易時間播放的廣告，播了16年，最近終於換了新版，代言人依然是Lily姐，不過變了高清拍攝，場景亦活潑得多，對白都有修改，但經典台詞「我拍戲周時用佢，無介紹錯㗎！」繼續沿用，仍然好親切。
很多網友看過廣告後都覺得Lily姐保養得好，同16年前沒有分別，LiLy接受《香港01》訪問表示廣告兩個月前拍攝，她說:「 (網友讚妳保養好喎?)係咩? 但我都有皺紋喎，多謝佢哋咁鍚lily姐，我其實冇咩護膚心得喎，淨係起身飲水，我又唔會打botox，聽到都驚，俾啲食肉菌打落塊面，點得㗎？我反而覺得心情最重要，任何嘢都要放得低囉，不過唐太宗真係好好，我都唔知原來用咗十幾年，佢地年年都有計數，每年俾代言費我㗎。點解突然拍?咁我又唔知喎。」
年年有錢收，那不是比曾江只收一次廣告費醒目得多？梁舜燕即笑說：「唔係唔係！我邊到識呢啲，都係經理人幫我搞，我學用WhatsApp都學咗一個月，仲被人笑出怪字呀！」
《城寨》三姨婆算是梁舜燕近年的經典角色。（網上圖片）
曾江當年代言的美源髮彩，被廣告公司賣斷，結果收了一次錢，但被播十幾廿年，Lily姐就醒目喇，年年計錢。