【美女郊遊遊】陳欣妍寧食屎都唔敢玩飛索 淚涕俱下求放過

撰文:鄺鈺瑩
出版:更新:
玩完跳潭之後又玩飛索,Double S好辛苦。(螢幕擷圖)

最新一集ViuTV真人騷《美女郊遊遊》,講到「Double S」沈殷怡(Shirley Sham)和陳欣妍(Shirley Chan)坐船去跳島(即係坐船去完一個又一個)。陳欣妍喺上船無耐就已經嘔到七彩,真係我見猶憐。去到有「海上宮殿」之稱嘅橫洲,由於天氣唔適宜船隻泊岸,所以一行人只能遠觀,Double S即時開心到拍晒手掌。

沈殷怡去到崖邊後,見到咁高都有少少驚。(螢幕擷圖)

由於跳島實在太悶,所以一行人去到東龍島後,導演就提出玩飛索,沈殷怡睇完飛索起點,即時表示ok,反觀陳欣妍就擰晒頭。上到山崖之後,陳欣妍訪問時表示因為峽谷關係,所以覺得好恐怖,有感自己隨時會掉下去,加上旁邊係海,所有最驚嘅嘢都集埋晒一齊。

網民留言表示想睇陳欣妍食屎。(螢幕擷圖)

睇住沈殷怡輕鬆著上裝備之後,陳欣妍口都震晒咁表示呢個環節自己唔出鏡都無所謂,見到沈殷怡準備飛時,陳欣妍就話:「攝影師係未叫我食屎?我寧願食屎都唔想玩呢個。坦然自己由細到大有咩就會即時放棄嘅陳欣妍,最終扣上安全帶和戴上安全帽,但就係咁問:「點解日日都要玩呢啲嘢啫?」
 

一聽到阿Dee做替身飛索,陳欣妍笑得幾開心。(螢幕擷圖)

去到崖邊後,陳欣妍喊到鼻涕直流,又頻頻叫工作人員唔好迫自己,工作人員提佢轉身返回安全位置,點知陳欣妍驚到亂晒,仲話:「我就係轉唔到,如果好似Angry Bird咁彈咗出去咁點算呀?」由於陳欣妍未能克服自己的心理障礙,所以導演安排團友阿Dee做替身,代佢飛過峽谷……節目播出之後,唔少網民都留言表示想睇陳欣妍食屎多過佢飛索,亦有留言問係未因為食咗屎,所以唔使上陣。
 

點擊重溫陳欣妍激動場面!

+13