【熟女強人】吳家麗劇中為事業雪卵:唔需要婚姻就可以直接生仔

撰文:陳芷穎
出版:更新:

吳家麗昨日(24/4)出席ViuTV新劇《熟女強人》拜神儀式,劇中她曾是一位模特兒,之後轉型成為珠寶設計師,更是一位人生導師。年輕時為了不可破壞事業,她選擇了雪卵:「我唔需要拍拖,唔需要男朋友,唔需要婚姻就可以直接生仔。去到雪卵期限就到,就想搵一個真命天子,好開心有兩父子(黃錦燊、黃愷傑飾)一齊追我。」

吳家麗出席ViuTV新劇《熟女強人》拜神儀式。(葉志明攝)

《熟女強人》講述現今女性要身兼多職,又要面對不同壓力,家麗姐認為自己事業上稱不上女強人,但心態上非常堅強:「打不死,今時今日吳家麗仲喺度做演員,我係一個打不死嘅演員,好鍾意做戲。」家麗姐近年專注拍電影,現在重投拍電視劇的日子,她指沒有太大分別:「對演員嚟講冇太大分別,演繹角色、融入故仔。電視嘅劇情、人物角色完整啲呈現畀觀眾,電影短但濃縮啲。我係電視出身,所以都冇太大分別。」

家麗姐認為自己事業上稱不上女強人,但心態上非常堅強。(葉志明攝)

疫情肆虐,吳家麗很少外出,留在家抗疫同時開始自己設計口罩,更與朋友一起做小生意:「雖然疫情影響到大家好多,但可以創造個人產業,整啲靚口罩、靚啲嘅防護衣服,希望為大家加一點點色彩,千祈唔好氣餒,要對抗疫情。」

+1