【降魔的2.0】劉佩玥願犧牲去守護胞弟:將來老公要好清楚呢一點

撰文:陳芷穎
出版:更新:
劉佩玥、胡鴻鈞出席劇集《降魔的2.0》宣傳活動。(葉志明攝)

劉佩玥(Moon)今日(29/4)現身將軍澳電視城出席劇集《降魔的2.0》宣傳活動,在上一輯她飾演的「啤啤」大受歡迎,阿Moon透露觀眾會更喜愛第二輯的她,更大讚對手馬國明:「啤啤係一個性格好開朗,好關心人,會為愛犧牲嘅女仔,今次大家會見到佢嘅犧牲係無界限。馬明令我好入戲,每次望住佢對眼就會做到嗰種感覺,唔係話識得喊就識得做戲,佢好觸動到我『啤啤』個神經。」

阿Moon在劇中默默守護着愛人馬國明。(葉志明攝)

阿Moon在劇中默默守護着愛人馬國明,為愛不計較付出,甚至覺得對方比自己更重要。現實中,亦有一個人令阿Moon願意犧牲自己去守護:「我細佬,冇嘢比佢更加重要。有一次,爸爸媽媽問我,佢哋兩個同細佬跌落水會救邊個先,我話一定係細佬先。第時我男朋友或者老公都要好清楚呢一點。」朱智賢被爆密會有婦之夫黎振燁,曾同朱智賢拍劇的阿Moon說不評論有關事件:「佢都需時時間去處理,其他人嘅嘢唔批評同唔畀任何意見,旁人唔會judge或加把口。」