【降魔的2.0】林凱恩否認受公司力捧:我最重視係自己嘅進步

撰文:陳芷穎
出版:更新:
林凱恩出席劇集《降魔的2.0》宣傳活動。(葉志明攝)

林凱恩(Iris)今日(29/4)現身將軍澳電視城出席劇集《降魔的2.0》宣傳活動,她指今次的角色與上一輯比較,最大的變化是多了些仇恨和執着,不過最開心是見到了自己的進步:「比起上一季,個感覺係高難度咗好多,會多啲內心戲。平時大家會見到我好乖、跳脫啲,今次就dark side啲,我自己都覺得幾新鮮。」

上集黃子恆同林凱恩飾演情侶,今集二人亦再續前緣。(葉志明攝)

Iris在《開心速遞》中飾演的「Bonnie」非常入屋,開拍的劇集更一套接一套,她謙虛表示不是受公司力捧,雖然忙卻一點也不覺得辛苦:「(拍攝時間)最長係拍《她她她的少女時代》嘅時候,朝早開到凌晨6點,喺公司瞓半個鐘,之後再開07、08,再去到夜晚7點,維持咗一個星期已經夠,分唔到幾時朝早,幾時夜晚,對我嚟講好充實。我最重視係自己嘅進步,由觀眾唔鍾意到接受、認同我,呢個係最大成功感。」

發表評論...