李榮浩多災多難自爆又要坐輪椅：第五次了
撰文：洪曉璇
出版：更新：
楊丞琳同李榮浩結婚後，一直各有各忙，加上因疫情關係入境要強制隔離，小夫妻被逼分隔好一段時間。李榮浩5月1日發微博指自己「又要開始坐輪椅了。」嚇壞唔少粉絲。
《香港電影我撐場民選大獎2020》全民一人一票，用行動撐本土！
旗艦智能手錶 Series 5、Dyson風筒等豐富獎品等你贏！
李榮浩話自己要第五次坐輪椅，嚇壞唔少粉絲。（微博：@李榮浩）
李榮浩喺微博留言話：「又要開始坐輪椅了，第五次了，幸虧上次那個北歐簡約輪椅沒扔，哎。」其後亦回覆粉絲留言指自己：「不小心傷到腿，問題不大。」有粉絲問佢係咪創作新歌太攰，李榮浩笑言：「寫歌那麼廢腿嗎」
李榮浩曾經多次受傷。（微博：@李榮浩）
其實佢都真係幾多災多難，去年佢喺《中國好聲音》中分享成名前歷經一場大車禍住院超過一年，嚴重到兩根肋骨插近肺部，大腿萎縮，肌肉只剩下手臂咁細；2014年拍攝《喜劇之王》MV時，曾經滑倒跌落深坑，腳筋嚴重發炎坐了2天輪椅，又試過喺酒店浴室跌傷腰椎緊急送醫。
李榮浩去年喺節目中憶述當年車禍。（影片截圖）
+6