RubberBand阿偉逆市擴張開第三間食店:明顯多咗人出街食飯!

撰文:洪曉璇
出版:更新:

RubberBand成員李兆偉(阿偉)去年與朋友投資開餐廳,第三間分店日前更逆市開張。阿偉接受香港開電視主播馬梓軒訪問時,透露本港近日疫情緩和,對生意帶來正面影響:「現時確診人數稍為回落,明顯多咗人出街食飯!但其實危機仲喺度,畢竟成個世界仍然好嚴重,如果一唔小心又會再嚟過,所以要繼續做好衛生清潔!」

《香港電影我撐場民選大獎2020》全民一人一票,用行動撐本土!

https://hkmovies2020.hk01.com

旗艦智能手錶 Series 5、Dyson風筒等豐富獎品等你贏!

阿偉嘅食店疫市擴張真係膽識過人。

疫情期間,囡囡G.I.(李芷艾)唔使返學,阿偉無奈表示:「呢樣係疫情期間其中一樣唔開心嘅嘢!因為個囡返幼稚園好開心,佢成日話想返學,好掛住同學老師,現時覺得個囡好似冇咗半年開心嘅成長階段!不過我都有教佢上網,同同學見下面傾計!」疫情下令兩父女相處時間多咗,磨擦亦隨之增加:「以前我返工佢返學,大家唔會經常朝夕相對,所以日日都相處得好開心!但現時日日留喺屋企對住佢,有啲嘢要教佢,有時我都會嚴厲啲對佢!不過都發現佢好鍾意唱歌跳舞,而且有學琴,不過我唔會逼佢,佢玩得開心就OK!」

阿偉話疫情期間父女相處多咗,但磨擦都多咗好多。