舊愛呂方三喜臨門 鄭裕玲播《彎彎的月亮》:恭喜晒你哋一家人
撰文:鄺鈺瑩
出版:更新:
55歲的呂方被爆跟細16歲的女友Rainbow已拉埋天窗兼快為人父。舊愛鄭裕玲(嘟姐)今早返商台做節目前,接受傳媒訪問時表示除送上祝福之餘,亦話希望大家可以Move On。及後,嘟姐在主持《口水多過浪花》時,本身介紹緊美劇《QUIZ》嘅佢,突然以「故事太長,唔夠時間講」為理由,話想播首歌,並將美劇介紹留待下一節繼續。
鏡頭突轉,原來嘟姐係要送祝福,佢話首歌係要送俾呂方,並謂:「恭喜晒,因為三喜臨門,又做爸爸、結婚啦兼且入紙紅館,好似年尾開演唱會。恭喜晒你哋一家人,永遠幸福快樂。」說畢嘟姐播出呂方嘅名曲之一《彎彎的月亮》,而節目拍檔余迪偉亦在旁拍手送上祝福。