李璨琛太太IG貼囡囡Lucy裸奔照 網民抨擊離譜:啱晒戀童變態收藏

撰文:洪曉璇
出版:更新:

好多星二代都有IG,憑住可愛樣貌天真舉動,人氣絕不亞於藝人﹗李璨琛囡囡Lucy李元元出世後就擁有個人IG,由媽媽梁志瑩(Pae)管理,不時上載Lucy生活照,已經有接近15萬追蹤。呢日Pae貼出Lucy冇着衫通屋走嘅相,雖然好可愛但就被網友抨擊無好好保護囡囡:「呢啲相啱晒戀童變態收藏!」

李璨琛囡囡LUCY李元元深得網友喜愛,有近15萬粉絲。(IG:@lucy_is_good)

Pae貼出幾張Lucy冇着衫喺屋企奔跑嘅相留言話:「自由奔放嘅靈魂 #野雞大暴走GO #緊抱夏日」,佢又回覆網友留言問Lucy在一個咩情況下跑出來:「你問得幾好,係沖涼前,成日吼阿媽幫佢除晒啲衫就光脫脫成隻火雞咁彈下彈下彈出嚟,露體狂咁叫極都唔死返入廁所!」

媽媽分享Lucy沖完涼唔肯着衫大暴走嘅相片。(IG:@lucy_is_good)
+1

有小朋友嘅網友好多表示有共鳴,紛紛分享自己小朋友都係一樣,但連登就有人開Post指責Pae,「我唔明點解佢可以影Lucy冇穿衫既相,做人老母係咪應該識得分串(寸)呢?為左賺錢連全身照都要影,你係咪咁等錢洗(使)呀﹗」其實Pae有將Lucy重要部位打格,但依舊引起網民公憤:「呢啲相啱哂(晒)戀(孌)童變態收藏」「影都算第時拎出黎睇都幾Q(Cute),Post出黎真係嚇死人,真係以為香港地冇變態?」「完全當個女兒係吸like既工具,無考慮個女既感受」「已經可以入去舉報發佈兒童色情照片」。

點擊下圖睇網友留言:

+1