降魔的2.0│林凱恩演魔化孕婦難抽離 情緒大受困擾好辛苦
撰文：陳芷穎
出版：更新：
林凱恩（Iris）今日（14/5）現身將軍澳電視城出席TVB劇集《降魔的2.0》宣傳活動，劇中她由純情少女，徹底魔化成附魔孕婦，面對愛人再一次的離去，Iris傷心欲絕臨近崩潰邊緣，演技獲網民大讚有進步，她感謝大家支持：「由網民一面倒嘅負評到而家有啲唔同，好開心。我嘅戲路都偏向要喊，希望喊之餘，可以有唔同嘅感覺畀大家。」
林凱恩出席TVB劇集《降魔的2.0》宣傳活動。（梁碧玲攝）
Iris為了要演活張佩玲一角做足功課，參考了很多不同電影，仲因抽離不到角色令情緒大受困擾：「嗰排唔想同人講嘢，好想殺人嘅感覺，好仇恨。同平時嘅感覺相差太大，自己又好辛苦，拍完唞返一排就舒服返。嗰時都要拍《開心速遞》，轉咗角色就幫我抽離返。（金城安有冇𠱁你開心？）唔需要，佢本身就係一個Gag，所以我望住佢都覺得好開心。」
點撃睇更多活動靚相：
+2